အပြည်ပြည်ဆိုင်ရာရာဇဝတ်တရားရုံးက အလ္လာဟ်ရှင်ကို အရေးယူမည်

ဟာဂျီဝက်စ်လီ တင်ပြသည် ။

နယ်သာလန်နိုင်ငံ (Netherlands) ဟိတ်မြို့ (Hague) တွင် ရုံးစိုက်ထားသည့် အပြည်ပြည်ဆိုင်ရာရာဇဝတ်တရားရုံး(International Criminal Court:ICC) က ရောမဥပဒေ(the Rome Statute)အရ ၊ အလ္လာဟ်ရှင်ကို အရေးယူမည်ဖြစ်ကြောင်း ထုတ်ပြန်ကြေညာလိုက်ပါသည် ။ ရောမဥပဒေပြဌာန်းချက်ပါ အောက်ပါပုဒ်မများ အရအရေးယူမည်ဟုဆိုသည်-

- ပုဒ်မ ၆(အေ) ၊ လူမျိုးတုန်းအောင်သတ်ဖြတ်မှု

- ပုဒ်မ ၆(ဘီ) ၊ အပြင်းအထန်ဒဏ်ရာရစေခြင်း သို့မဟုတ် စိတ်နာကြည်းစေခြင်းဖြင့် မျိုးတုန်းသုတ်သင်မှု

- ပုဒ်မ၇(၁)(အိပ်ခ်ျ) ၊ လူသားများအပေါ် ညှဉ်းပန်းနှိပ်စက်မှု

[Article 6 (a) Genocide by killing, Article 6 (b) Genocide by causing serious bodily or mental harm, Article 7 (1) (h) Crime against humanity of persecution]

ဗွီအိုအေ သတင်းလွှာ(၂၀၁၀ပြည့်နှစ်ဇန်နဝါရီ၁၃) ဟေတီငလျင်သတင်းတွင် သဘောထားမှတ်ချက်များ ရေးသားကြရာမှ အလ္လာဟ်ရှင်ကို အရေးယူနိုင်ရန် ၊ မမျှော်လင့်ဘဲ သဲလွန်စရရှိခဲ့သည်ဟု အပြည်ပြည်ဆိုင်ရာ ရာဇဝတ်တရားရုံးမှ အမှုစွဲတင်ရေးအရာရှိ မစ္စတာလူးဝစ်စ်မိုရီနိုအော်ကင်ပို (the Prosecutor, Luis Moreno Ocampo) ကပြောသည် ။ အဆိုပါ သဘောထားမှတ်ချက်တွင် ဇန်နဝါရီလ ၁၂ ရက်နေ့က လှုပ်သွားခဲ့သည့် ပြင်းအားအဆင့် ၇ (7.0 magnitude) ရှိ ဟေတီငလျင် သတင်းတွင် မူဆလင်ဟူယူဆရသူ တစ်ဦးက ငလျင်ကို အလ္လာဟ်ရှင်က ဖန်တီးခဲ့ခြင်းဖြစ်ကြောင်း စသည်ဖြင့် ဖော်ပြလိုက်သည်ဟုဆိုပါသည် ။ မူရင်းဖော်ပြချက်မှာ-

Kawser Mohi-ud-din (Jammu & Kashmir)

Dear all mankind, Pls realize that its all done by ALMIGHTY ALLAH, the Supreme Powerful, Creator and Sustainer.U r alive,who knows tomorrow u will b or not! Just Keep urself update on ISLAAM as a true MUSLIM. It is only ALMIGHTY ALLAH who has power to give and lift hazards like earthquakes etc. etc... No god other than ALMIGHTY ALLAH can do anything,they themselves r the creatures of ALMIGHTY ALLAH..

ထိုသဲလွန်စကို အကြောင်းပြု၍ ၊ အမှုစွဲတင်ရေးအရာရှိ(Luis Moreno Ocampo)သည် မူဆလင် အများအပြားတို့ထံ ချဉ်းကပ်ပြီး ၊ အလ္လာဟ်ရှင် အမှုကျူးလွန်ခဲ့သည့် အကြောင်းကို တိတ်တဆိတ် မေးမြန်းထောက်လှမ်းခဲ့သည်ဟုဆိုပါသည် ။ ယခုအခါ အလ္လာဟ်ရှင်အား အမှုစွဲတင်နိုင်ရန် သက်သေခံချက်လုံလောက်စွာရရှိထားပြီဟုဆိုပါသည် ။ မျက်မြင်သက်သေ အများစုမှာ မူဆလင်များဖြစ်သည်ဟုဆိုပါသည် ။

ဟေတီငလျင်အမှုနှင့်အတူ ၊ နာဂစ်တိုင်ဖွန်းမုန်တိုင်းအမှု ၊ စူနာမီရေ အောက်ငလျင်အမှုများ နှင့် ကမ္ဘာတစ်ဝှမ်းရှိ အသေခံ အကြမ်းဖက် ဗုံးခွဲမှုတို့ကိုပါ တစ်ပေါင်းတည်း စစ်ဆေး အရေးယူသွားမည်ဟု မကြာမှီကမှ အပြည်ပြည်ဆိုင်ရာ တရားရုံးတရား သူကြီးအဖြစ် ကျမ်းသစ္စာကျိန်ဆိုခဲ့သည့် ဂျပန်နိုင်ငံမှ တရားသူကြီး မစ္စက်စ် ကုနီကို အိုဇာကီ (Ms Kuniko Ozaki) က ထုတ်ဖော်ပြောကြားလိုက်ပါသည် ။

အလ္လာဟ်ရှင်မှာ ၊ အပြစ်မရှိကြောင်း ဆုံးဖြတ်ချက်ချစေလိုပါက ၊ တရားရုံးတွင်စစ်မေးသည့်အခါ သက်သေခံကြရမည့် မူဆလင်များအနေဖြင့် ၊ အလ္လာဟ်ရှင်သည် ငလျင်ကို ဖန်တီးသူမဟုတ် ၊ မုန်တိုင်းများကို ဖြစ်စေသူ မဟုတ် ၊ မြေပြိုခြင်းကို ဖန်တီးသူမဟုတ်ဟု သက်သေခံကြဖို့လိုအပ်မှာဖြစ်ကြောင်း အပြည်ပြည်ဆိုင်ရာ အစ္စလမ်အဖွဲ့ချုပ်က ကမ္ဘာပေါ်ရှိ ဗလီများအားလုံးသို့ လျှို့ဝှက်ညွှန်ကြားထားကြောင်း အစ္စလာမ်သတင်းရပ်ကွက်မှ စုံစမ်းသိရသည် ။

မည်သို့ဆိုစေကာမူ အလ္လာဟ်ရှင်သည် ၊ လျှပ်စစ်မီးမပေါ်မှီကာလက ညအချိန် လူသားများ အလင်းရောင် ရရှိစေရန် နိုင်ငံတကာသုံး မီးရှူးတိုင်ကြီး (မီးရှူးတိုင်ကြီးမှန်း မသိကြသည့် မြန်မာများကမူ ဓူဝံကြယ်ဟု ခေါ်ကြောင်းသိရ) ကို ဖန်တီးပေးခဲ့ခြင်း ၊ ကျွန်ုပ်တို့ကမ္ဘာပြားကြီး လေထဲသို့ မြှောက်တက် မသွားရန်နှင့် ဟိုဟိုဒီဒီ ရွှေ့မသွားနိုင်ရန် ကမ္ဘာမြေကြီးကို အလွန်ခိုင်ခန့်သည့် ငုတ်တိုင်ကြီးများ (ငုတ်တိုင်ကြီးမှန်း မသိကြသည့် မြန်မာများကမူ တောင်များဟုခေါ်ကြောင်းသိရ) ဖြင့် ရိုက်နှက် ထားရှိပေး တော်မူခဲ့ခြင်းစသည့် လူသားအကျိုးပြုလုပ်ငန်းများဆောင်ရွက်ခဲ့ခြင်းတို့ကြောင့် သက်ညှာစွာ စဉ်းစားဆုံးဖြတ်ဖွယ်ရှိကြောင်း ၊ နေပြည်တော် ပညာရှိတရားသူကြီးမင်းရပ်ကွက်က ဝေဖန် သုံးသပ် ခန့်မှန်း ပြောဆိုနေကြသည်များလည်း ရှိသည်ဟုဆိုပါသည် ။

နိုင်ငံပေါင်း ၁၂၀ တို့က ၁၉၉၈ခုနှစ် ဇူလိုင်လ ၁၇ ရက်နေ့ တွင် အမြဲတမ်းအပြည်ပြည်ဆိုင်ရာတရားရုံး(the permanent International Criminal Court) ထူထောင်ရန် အခြေခံဥပဒေ အဖြစ် ၊ ရောမဥပဒေ (the Rome Statute) ကို သဘောတူ ပြဌာန်းခဲ့ကြပြီး ၊ ၄င်းတို့အနက် နိုင်ငံပေါင်း ၆၀ တို့က အတည်ပြုလက်ခံခဲ့သည့် ၂၀၀၂ခုနှစ် ဇူလိုင်လ ၁ ရက်နေ့မှစ၍ အတည်ဖြစ်ခဲ့ပါသည် ။ အပြည်ပြည်ဆိုင်ရာရာဇဝတ်တရားရုံးသည် ၊ လွတ်လပ်သည့် အမြဲတမ်းတရားရုံးဖြစ်ပြီး ၊ လူမျိုးတုန်းသုတ်သင်မှု ၊ လူသားများအပေါ် လူမဆန်စွာ ကျူးလွန်သည့် အမှုများနှင့် ကမ္ဘာစစ်မက်ဖြစ်ပွါးစေမှုတို့ကဲ့သို့သော အပြည်ပြည်ဆိုင်ရာရာဇဝတ်မှု ကျူးလွန်သူများကို အရေးယူ စစ်ဆေးအပြစ်ပေးနိုင်ရန်ကြိုးပမ်းလျက်ရှိကြောင်း ၊ ယခုအခါ ကမ္ဘာ့နိုင်ငံပေါင်း ၁၁၀ကျော်တို့က သဘောတူ လက်မှတ် ရေးထိုး ထားကြပြီးပြီဟုဆိုသည် ။

အလ္လာဟ်ရှင်ကို အပြည်ပြည်ဆိုင်ရာရာဇဝတ်တရားရုံးတွင် ရုံးတင် အမှုဖွင့် အရေးယူစေရန် သဘောမတူသူများရှိပါက အောက်ပါလိပ်စာသို့ဆက်သွယ်ပြီး ကန့်ကွက်နိုင်ကြကြောင်းသိရသည် -

Postal Address:

International Criminal Court

Po Box 19519

2500 CM, The Hague

The Netherlands

By phone: +31-(0)705158787

ထို့ပြင် အပြည်ပြည်ဆိုင်ရာရာဇဝတ်တရားရုံး ဥက္ကဌ (President of the International Criminal Court) မစ္စတာဆောင်းဆန်ဟွန်း(Sang-Hyun Song) ၏ ပြောကြားချက်အရ သိရသည်မှာ ကျွန်ုပ်တို့ကမ္ဘာကြီးအား ဖန်ဆင်းခြင်းနှင့်ပတ်သက်၍ အလ္လာဟ်ရှင် ၊ ထာဝရဘုရားသခင်နှင့် ဗြဟ္မာမင်းကြီးတို့က သူဖန်ဆင်းသည် ငါဖန်ဆင်းသည်ဟု အငြင်းပွါးလျက်ရှိကြရာ ၄င်းကိစ္စကိုလည်း များမကြာမှီ အပြည်ပြည်ဆိုင်ရာ တရားမနှင့် မူပိုင်ခွင့်တရားရုံးကို တိုးချဲ့ဖွဲ့စည်းပြီး ၊ ကမ္ဘာကြီးအားဖန်ဆင်းရှင်အစစ်မည်သူဖြစ်သည်ဆိုသည်ကို စစ်ဆေးဆုံးဖြတ်သွားမည်ဖြစ်ကြောင်းလည်းသိရှိရပါသည် ။ သင့်တော်ပါပေစွ ။

ရည်ညွှန်းချက်များ-

- http://www1.voanews.com/english/news/Thousands-Feared-Dead-After-Haitian-Earthquake-81311282.html

- http://www.icc-cpi.int/Menus/ICC?lan=en-GB